ഓഫീസിലേക്ക്  ഇറങ്ങാനുള്ള തിരക്കില്‍ 

പലപ്പോഴും പത്രവാര്‍ത്തകള്‍ വായിച്ചു 

കേള്‍പ്പിക്കാരുള്ളത് അച്ഛനാണ് ....

ഇന്ന് അച്ഛന്‍ പത്രവും ആയി നേരെ 

എന്റെ മുന്നിലെത്തി ...

ചരമ പേജിലെ ചിരിക്കുന്ന മുഖത്തിന്‌ 

പച്ചക്കറി കടയിലെ പയ്യനോട് സാമ്യം

ഉറപ്പു വരുത്താന്‍ വന്നതാണ് അച്ഛന്‍ 

ആര്‍ക്കും ഏതു നിമിഷവും കേറി ഇരിക്കാനുള്ള 

സ്ഥലമായി മാറിയിരിക്കുന്നു ചരമ പേജ് !

മനസ്സിന്റെ ഇറയത്തു നിന്നും
പെട്ടെന്നൊരു നാള്‍ നീ ഇറങ്ങി വന്നു.
എന്റെ ഓര്‍മകളെ ഭ്രാന്ത്‌ പിടിപ്പിക്കാന്‍...

മൈഗ്രന്‍ രാത്രിയിലെന്ന പോലെ 

സ്നേഹ സാമ്രാജ്യങ്ങളിലേക്ക് 

മഴ നാരുകള്‍ കോര്‍ത്തിണക്കി 

എന്റെ വിമൂകതയില്‍ നിശാശലഭം 

പോലെ നീ പാറി ....

നിന്റെ സ്വപ്നങ്ങളുടെ തുമ്പിലേക്ക്‌ 

എന്നെയും കൂടി കൊരുത്തിടുക 

വര്‍ണ ശബളിമം ആകട്ടെ അവയും...

പക്ഷെ ...

ഓര്‍മ്മകള്‍ക്കൊപ്പം  എന്നെ വിട്ടേക്കുക!!!